Ոզջույն, ես Լուսինեն եմ Թարխանյան, կրթահամալիրի Դպրոց-պարտեզում դասավանդում եմ դաշնամուր։Ուսանել եմ Ռոմանոս Մելիքյանի անվան երաժշտական ուսումնարանում, այնուհետ Կոմիտասի անվան Կոնսերվատորիայում, հետո Աթենքի կոնսերվատորիայում, այնտեղ երկու տարի դասավանդել եմ երաժշտական տասնամյակում։ Զուգահեռ սսովորել և ավարտել եմ Աթենքի Պետական Համալսարանի տնտեսագիտական ֆակուլտետը, աշխատել եմ այնտեղ որպես տնտեսագետ, ներկայումս նոտարի վավերացված թարգմանիչ եմ։
Չնայած, որ ամբողջ գիտակցական (հինգ տարեկանից) կյանքս սերտորեն կապված է եղել երաժշտության հետ, երբեք չէի երգել երգչախմբում: Երբ երկու տարի առաջ Լիլիթ Առաքելյանը ծանոթացրեց ինձ Մաեստրոի հետ, ես ընդգրկվեցի երգչախումբ և շատ ոգևորված սկսեցի ապրել մեր երգչախմբի կյանքով: Այն կարծես՝ մի ամբողջական մարմին լինի, իր առանձնահատուկ ռիթմով, պահանջներով և նպատակներով։ Պարոն Թոփիկյանի օգնությամբ ես կրկին, արդեն լրիվ ուրիշ անկյունից սկսեցի հասկանալ Կոմիտասի երաժշտությունը, մեր հայ հոգևոր երաժշտության մեջ բացահայտեցի ինձ համար մի այլ լուսավոր աշխարհ։
Լուսինե Թարխանյան
Հարություն Թոփիկյանի սեբաստացիներ ուսուցչական երգչախումբ 