«Սեբաստացիներ» ուսուցչական երգչախումբը Կոտայքի մարզում է

«Սեբաստացիներ» ուսուցչական երգչախմբի 2014թ-ի մշակութային արշավների մեկնարկը տրված է: Մարտի 15-ին երգչխումբը՝ գեղարվեստական ղեկավար Հարություն Թոփիկյանի գլխավորությամբ, մեներգիչ Սեյրան Ավագյանի մասնակցությամբ, «Սեբաստացիներ» հիմնադրամի նոր տնօրեն Առնոլդ Բլեյանի ուղեկցությամբ, համերգներով հանդես եկավ Կոտայքի մարզում: Առաջին ելույթը Եղվարդի Սուրբ Աստվածածին եկեղեցու բակում էր: Երգչախմբին դիմավորեց Եղվարդի հոգևոր հովիվ Տեր Հովնան քահանա Մաթևոսյանը: Օրհնության արարողությունից հետո իրենց երգերով ողջունեցին նաև Եղվարդի արվեստի դպրոցի սաները: Եկեղեցու բակում հավաքվածները սիրով լսեցին կոմիտասյան հոգևոր և աշխարհիկ կատարումները: Շնորհակալության խոսք ասելուց հետո Տեր հայրն երգչախմբի անդամներին Նոր կտակարաններ նվիրեց, մենք էլ փոխանցեցինք երգչախմբի CD-ներն ու տեղեկատվական թերթիկները : Հաջորդ կանգառը՝ մի փոքր քայլարշավից, բարձունք հաղթահարելուց հետո, Ս. Թեոդորոս (Ղառղառավանք) խոնարհված վանքում էր: Գեղեցիկ տեսարան էր, ոգեշնչված էինք, մեր երգով փոխանցեցինք զգացողությունները: Ժամը 14.30-ին երգչախմբին արդեն սպասում էին Լուսակերտի եկեղեցում: Հանդիսականը ոգևորված էր, մի քիչ էլ հուզված, հայտնեց, որ էսպիսի մշակութային այցելությունների կարիք գյուղի բնակիչները շատ ունեն: Չնայած եկեղեցիներում ընդունված չէ ծափահարել, ծափահարեցին, շնորհակալություն հայտնեցին երգչախմբին, մաեստրոյին և կրթահամալիրի տնօերն Աշոտ Բլեյանին: Լավ մեկնարկ էր, այնպես, որ երգը չէր ընդհատվում, հետդարձի ճանապարհին ավտոբուսն էր դարձել բեմահարթակ. քսանչորս հոգանոց երգչախումբը, մաեստրոյի մենակատարությամբ, երգում էր ու երգում: Շնորհակալություն կրթահամալիրի դաշնամուրի ուսուցիչ Հասմիկ Մաթևոսյանին՝ մշակութային արշավի կազմակերպմանը աջակցելու համար:
img_9656 img_9617 img_9608 img_9614 img_9616 img_9624 img_9633 img_9623 img_9704 img_9713 img_9714 img_9737 img_9720 img_9706 img_9772 img_9778 img_9784 img_9788 img_9789 img_9796 img_9805 img_9809 img_9812 img_9865 img_9869 img_9895 img_9899 img_9909 img_9921 img_9923 img_9938
Նյութի հեղինակ` Արմինե Թոփչյան

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s